محترم شیخ الوظائف السلام علیکم! آج اپنا ایک مسئلہ لیکر حاضر ہوئی ہوں اور وہ مسئلہ بھائی کی نوکری کا ہے۔ میرے بھائی نے بہت ساری جگہوں پر اپلائی کیا مگر کہیں جاب نہیں ملتی تمام ٹیسٹ کلیئر ہوجاتےہیں مگر پھر وہ لوگ بلاتے نہیں ہیں نہ کوئی ویزہ لگتا ہے نہ اپنے ملک میں کوئی جاب لگتی ہے جس کی وجہ سے امی اور ابو بہت پریشان رہتے ہیں‘ کوئی حل بتادیں۔ اس سے چھوٹے بھائی کا بھی مسئلہ یہ ہے کہ وہ پڑھائی پر دھیان نہیں دیتا زور زبردستی‘ لاڈ پیار سے سمجھا چکے ہیں‘ آٹھ کلاس میں پڑھتا ہے مگر بہت لاپرواہ ہے۔ (ہماصغیر‘ آزادکشمیر)
مشورہ: آپ کے تمام گھر والے اور بالخصوص آپ کا بھائی نوکری کے لیے یہ عمل کرے ان شاء اللہ بہت جلد ان کو بہت اچھی جگہ نوکری مل جائے گا۔عمل یہ ہے:۔سورۂ والضحیٰ بمع بسم اللہ ایک بار‘ اول و آخر تین بار درود شریف اور سورۂ کے ہر’’ک‘‘پر 9 باریَاکَرِیْم پڑھنا ہے۔ یہ عمل ہر نماز کے بعد ایک بار یا صبح وشام ایک ایک بار کریں۔اگرنمازِ فجر سے پہلے کرلیں تو زیادہ فائدہ ورنہ جس وقت کریں‘ جتنا زیادہ کریں گے اتنا زیادہ فائدہ ہوگا۔ سارا گھر کرے ورنہ جتنے زیادہ افراد کرسکیں کرسکتے ہیں۔ عمل کرتے ہوئے مقصد کا تصور کریں‘ نو مقاصداکٹھے بھی تصور میں رکھ سکتے ہیں۔ عمل 9 دن کرنا ہے اگر کام نہ ہو تو پھر دوبارہ سے 9دن کاعمل شروع کرنا ہے۔ اسی طرح 9،9 دن کا عمل کرتے رہیں۔مزید چھوٹے بھائی جب بھی پڑھنے جائے تین مرتبہ سورۂ الم نشرح پڑھ دم کردیا کریں۔